இயக்குநர் சுகுமாரின் இயக்கத்தில் அல்லு அர்ஜுன், ராஷ்மிகா மந்தனா, பகத் பாசில் உள்ளிட்டோர் நடித்த “புஷ்பா” திரைப்படம் 2021 ஆம் ஆண்டு டிசம்பர் 18ஆம் தேதி வெளியானது. தமிழ், தெலுங்கு, ஹிந்தி மற்றும் கன்னட மொழிகளில் வெளியான இப்படம் பெரும் வெற்றியடைந்து பான் இந்தியா ஹிட் திரைப்படமாக மாறியது.
முதல் பாகத்தின் முடிவிலேயே இரண்டாம் பாகத்திற்கான அடிப்படையை உருவாக்கியிருந்ததால், “புஷ்பா 2” படத்தின் வெளியீடு குறித்து ரசிகர்கள் பெரும் ஆர்வத்துடன் இருந்தனர். படம் வரும் டிசம்பர் 5ஆம் தேதி வெளியிடப்படும் நிலையில், நடிகர் அல்லு அர்ஜுனின் பேச்சுக்கள் ரசிகர்களின் கவனத்தை ஈர்த்துள்ளன.
தற்போது, படத்தின் டிரெய்லர் குறித்து அல்லு அர்ஜுன் கூறியதாவது, “தமிழ் மற்றும் ஹிந்தி என இரண்டு மொழிகளும் எனக்குத் தெரியும். எனது படங்களின் டிரெய்லரை அனைத்து மொழிகளிலும் பார்ப்பேன். குறிப்பாக தெலுங்கில் உள்ளது போல், டப்பிங் தரமானதா என்று ஆய்வு செய்கிறேன். இந்த முறையில் தமிழ் வெர்ஷன், ஹிந்தி வெர்ஷனை விட சிறப்பாக உள்ளது. தெலுங்கு மொழியின் நுணுக்கங்களை தமிழ் வெர்ஷனில் செவ்வனே புலப்படுத்தியுள்ளனர் எனக் கூறினார்.
