நடிகர் ஆனந்த்ராஜ் கதைநாயகனாக நடித்துள்ள படம் மதறாஸ் மாபியா கம்பெனி. தலைப்புக்கேற்ப, சென்னையில் அடியாட்களை வைத்து ஹைடெக் முறையில் ரவுடி தொழில் செய்கிறார் ஆனந்த்ராஜ். அவரது அட்டகாசம் கட்டுக்குள் வராததால், அவரை கண்காணித்து சட்டத்தின் முன் நிறுத்த டிஜிபி போலீஸ் அதிகாரி சம்யுக்தாவை நியமிக்கிறார். இருவருக்கிடையிலான இந்த மோதலில் யார் வெற்றி பெறுகிறார்கள் என்பதே படத்தின் கதைக்களம்.
தனது ‘கட்டப்பஞ்சாயத்து’, ‘கலெக்ஷன்’, ‘அடிதடி’ வேலைகளுக்குத் தகுதி தேர்வு வைத்து ஆட்களை எடுக்கும் விதத்தில் வித்தியாசமான ரவுடியாக கவர்கிறார் ஆனந்த்ராஜ். அதே நேரத்தில் சீரியஸாக இருக்கும் ஆளுமை இல்லை. இரண்டு பெண்டாட்டி, சக ரவுடிகளுடன் நக்கலாக நடக்கும் சண்டைகள், கம்பெனி ஊழியர்களுடன் ஜாலியான பேச்சு, பழைய வேனில் சுத்தித்திரிவது, அவ்வப்போது நடக்கும் கொலைகள்—
இவை அனைத்தும் அவரின் காமிக் டோனில் அமைந்த வாழ்க்கையை காட்டுகின்றன. இவரை மோதும் கறார் போலீஸ் அதிகாரி சம்யுக்தா, ஆனந்த்ராஜ் மீது ஒரே ஒரு கேஸும் இல்லாத நிலையில் அவரை எப்படிப் பிடிப்பது என தலைகுனியிறார். ஒரு தீவிரவாத வழக்கில் அவர் சிக்க, பின்னர் சம்யுக்தா அவரை துரத்துகிறார். கிளைமாக்ஸில் ஆனந்த்ராஜுக்கு என்ன நடந்தது என்ற கேள்விக்கு பதில் கிடைக்கிறது.
தனக்கே உரிய நக்கலான பேச்சுத்தன்மையுடன் வில்லத்தனத்தை கலக்கிறார் ஆனந்த்ராஜ். அவருக்கும் அவரது சிஷ்யனான முனிஸ்காந்துக்கும் இடையேயான காட்சிகள், பழிவாங்கும் சீன்கள் சிரிப்பு வரவழைக்கின்றன. மனைவி தீபா, துணைவி லயாவோடு வாழும் குடும்ப வாழ்க்கை, அதில் வரும் பிரச்சனைகள் கூட ரசிக்க வைக்கின்றன. அவர் சீரியஸாக சண்டையும் கொலையும் செய்வது கூட காமெடி ஓட்டத்தில்தான் அமைந்திருப்பது வேடிக்கையாக இருக்கிறது. கிளைமாக்ஸில் சாவு வீட்டில் அவர் படும் கஷ்டங்கள் பாடுகள் செம. என்றாலும், அவரை கதைநாயகனாக ஏற்க முடியாத உணர்வு ஏற்படுகிறது; ஒரு கேரக்டராக மட்டுமே வந்து செல்லும் தாக்கமே தருகிறார். போலீஸ் அதிகாரியாக சம்யுக்தா பிட்டாக இருக்கிறார். அவருக்கும் ஒரு ரவுடிக்கும் இடையேயான பைட் சீன் சிறப்பாக அமைந்துள்ளது. ஆனால் பல இடங்களில் கோபமுள்ள முகத்துடன் ஓடிக்கொண்டே இருப்பது, ஒரே மாதிரி ரியாக்ஷன் கொடுப்பது அவரின் மைனஸாக தெரிகிறது.
ஆனந்த்ராஜின் மனைவியாக தீபா, துணைவியாக சமூக வலைத்தள பிரபலம் லயா—இருவரும் கிடைத்த வாய்ப்பை சரியாக பயன்படுத்தியுள்ளனர். மாபியா கம்பெனியில் இருந்து நீக்கப்பட்ட தமாஷ் ரவுடியாக முனிஸ்காந்த் நகைச்சுவையை நன்றாக உயர்த்துகிறார்; அவரின் டயலாக்ஸும் ஸ்கெட்ச் காட்சிகளும் வேலை செய்கின்றன. ஆனால் ஆனந்த்ராஜின் மகள் காதல் கதை மற்றும் அதன்பின்னர் வரும் சம்பவங்கள் செயற்கையாகத் தோன்றுகின்றன. சில சிரிப்பு தரும் காட்சிகள், சில சேசிங் சீன்கள் தவிர பம் ஓகே ரகம் தான்.
