‘நாளைய இயக்குநர்’ சீசன் 1 மூலம் கவனத்தை ஈர்த்த சூரிய பிரதாப் இயக்கத்தில், நடிகர் கவுதம் ராம் கார்த்திக் நடிப்பில் உருவாகும் ரூட் – ரன்னிங் அவுட் ஆஃப் டைம் திரைப்படத்தை இயக்குகிறார். ரஜினிகாந்த் நடித்த கோச்சடையான் படத்தில் அசோசியேட் டைரக்டராக பணியாற்றியவர் சூரிய பிரதாப். வெரஸ் புரொடக்ஷன்ஸ் நிறுவனம் தனது முக்கியமான தயாரிப்பாக இந்த புதிய கிரைம் திரில்லர் படத்தை அறிவித்துள்ளது.
ரூட் திரைப்படம் அறிவியல் புனைகதையையும், குற்றத் திரில்லர் அம்சங்களும் கலந்த ஒரு புதிய முயற்சியாக உருவாகியுள்ளது. இப்படத்தில் கவுதம் கார்த்திக் முக்கிய கதாநாயகனாக நடித்துள்ளார். தொடர்ந்து வித்தியாசமான கதைகளைத் தேர்ந்தெடுத்து நடித்து வரும் அவரின் இந்த முயற்சி ரசிகர்களிடையே பெரும் எதிர்பார்ப்பை ஏற்படுத்தியுள்ளது.
நடிகை பவ்யா திரிகா, கவுதம் ராம் கார்த்திக்கிற்கு ஜோடியாக நடித்துள்ளார். இவர் ஸ்ட்ரீ 2 படத்தின் மூலம் புகழ்பெற்றவர். மேலும், இந்தப் படத்தின் முக்கியமான கதாபாத்திரத்தில் பாலிவுட் நடிகர் அபார்ஷக்தி குரானா நடித்துள்ளார். இந்தப் படத்தின் மூலம் அவர் தமிழ்த் திரையுலகில் அறிமுகமாகிறார்.ரூட் ரன்னிங் அவுட் ஆஃப் டைம் படத்தின் பூஜை கடந்த ஜூலை மாதம் சென்னையில் சிறப்பாக நடைபெற்றது. அறிவியல் கற்பனையும் மனித உணர்வுகளும் கலந்த வித்தியாசமான கிரைம் திரில்லராக படம் உருவாகியுள்ளது. சமீபத்தில் இப்படத்தின் படப்பிடிப்பு முழுமையாக நிறைவடைந்துள்ளதாக படக்குழு அதிகாரப்பூர்வமாக அறிவித்துள்ளது.
