நடப்பு ஐபிஎல் தொடரில் ராயல் சேலஞ்சர்ஸ் பெங்களூர் (ஆர்.சி.பி.) அணிக்காக விளையாடி வரும் வீரர் விராட் கோலி, சிறந்த ஆட்டத்தை வெளிப்படுத்தி வருகிறார். அவரது சிறப்பான ஆட்டத்தால் ஆர்.சி.பி. அணி தற்போது டாப் 4 இடத்தை பெற்றுள்ளது.
இந்த நிலையில், சமீபத்தில் ஒரு பேட்டியில் விராட் கோலி பேசுகையில், “தற்போது எனக்கு மிகவும் பிடித்த பாடல் ஒன்று இருக்கிறது. அதை கேட்டால் நீங்கள் ஆச்சரியப்படுவீர்கள். அது சிம்பு நடித்த ‘பத்து தல’ படத்தில் இடம்பெற்ற ‘நீ சிங்கம்தான்’ என்ற பாடல். அதை அடிக்கடி விரும்பி கேட்கிறேன்” என தெரிவித்துள்ளார்.
இச்சொல்லப்பட்ட வீடியோவை ஆர்.சி.பி. அணி தனது எக்ஸ் (முன்னர் ட்விட்டர்) பக்கத்தில் வெளியிட்டுள்ளது. இந்த வீடியோ இணையத்தில் வேகமாக வைரலாகியுள்ளது. இதைத் தொடர்ந்து, அந்த வீடியோவை தனது எக்ஸ் பக்கத்தில் பகிர்ந்த நடிகர் சிம்பு, “நீ சிங்கம் தான்” எனப் பாராட்டி, விராட் கோலிக்கு புகழாரம் சூட்டியுள்ளார்.
